唐唐微博撐李嘉誠 斥指摘「傷害了愛國心」

【明報專訊】長和系主席李嘉誠近日不斷被內地官媒批評佢撤資，搞到誠哥日前都打破沉默回應事件，仲形容批評佢嘅文章「語調令人不寒而慄」。政圈中人所共知，2012年時誠哥力撐唐英年選特首，即使唐唐輸咗，誠哥亦無轉軚。唔知唐唐係咪睇唔過眼誠哥畀人批評，噚日佢就寫咗篇長近1300字嘅微博，為誠哥講好說話。

唐唐呢篇微博題為〈商人愛國 共創明天〉，佢話當年國家改革開放，香港商人本着愛國心返內地投資，又支持國家教育，培訓人才，希望貢獻國家，佢形容大家抱有愛國心，唔會因為時間而令愛國情懷、回饋社會希望冷卻。喺全球經濟一體化嘅趨勢下，國家、企業都部署，為整體發展尋求最有利安排。

唐唐話，李嘉誠係首批參與投資內地嘅港商，積極參與內地公益事務，形容對誠哥嘅指摘「傷害了傳統中國人的一顆愛國心」，所以都理解誠哥心裏有氣，支持對方澄清。

話撤資指摘不真實不公道

唐唐覺得長和集團重組，理順集團資產，將潛在價值更好地展現、發掘，正係按照市場化方式辦事，亦符合國情發展同安排。佢話近期有關長和集團遷拆海外甚或撤資嘅指摘，「既不真實，亦忽略市場運作，對李先生並不公道」。面對內地官媒連日來發炮批評，唐唐似乎係首個政商界名人公開撐誠哥，果然有情有義。

更多港聞

煲呔再現國慶酒會 笑容滿面 袁國強抱恙 缺席升旗禮

【明報專訊】每年嘅十一國慶，香港政府都會喺灣仔會展搞升旗儀式同酒會，現任同前任特首都會出席和上台祝酒，舊年嘅酒會就唔見咗前特首曾蔭權（煲呔）... 詳情

民主黨區選誓師 卿姐缺席無損士氣

【明報專訊】民主黨噚日喺太子明愛中心舉行區議會誓師，黨內上下逾百人傾巢而出，除咗區議會選舉候選人，黨內元老級人馬包括創黨主席李柱銘、中委張文... 詳情

亞視員工聯署力撐葉家寶

【明報專訊】宇宙最強打工仔、亞視執董葉家寶今日再就亞視欠薪案上庭，結果難料。佢喺亞視「存亡之秋」時堅持唔「跳船」，贏得員工尊重，亞視公關及宣... 詳情

范太質疑「名譽資深大律師」 任建峰﹕咩係常委？係咪常毁？

【明報專訊】唔畀做香港大學副校長嘅陳文敏，係全港唯一一個「名譽資深大律師」，不過，全國人大常委范徐麗泰日前就質疑「名譽資深大律師係咩嚟㗎？」... 詳情

稱原為訓練學生解難 港大教師撤發問不先Google扣分

【明報專訊】資訊科技發達的年代，不少人遇問題會問「Google」。上周有港大學生在網上公開教學助理給學生的通告，通告鼓勵學生發問前自行goo... 詳情