立會委員會爭位 建制泛民「無咁僵」
[2015.09.29] 發表
【明報專訊】立法會未復會，建制同泛民已經就16個委員會正副主席開火，建制派「班長」葉國謙更曾一度聲言要搶攻所有位置；不過近日接連有建制派議員口風軟化，民建聯譚耀宗噚日上電台節目時話，其實唔係所有正副主席都一定要由建制派出任嘅，而泛民最近態度亦有轉變，已主動接觸佢哋商討，大家關係「無咁僵」。譚sir仲話建制派亦歡迎內會副主席由泛民議員出任，但人選依然有條件，希望好似上任嘅「民主思路」召集人湯家驊，或李華明呢類。
此外，對於近日鄉議局傳出「去民建聯化」嘅聲音，譚sir話會小心檢視邊方面做得唔好，睇吓有咩得罪人哋。譚sir強調一直珍惜同鄉議局嘅關係，希望日後可以繼續合作。佢又透露，自己希望約鄉議局主席劉業強詳細傾吓，但對方話近排好忙，所以要再搵時間。
譚sir檢討缺失 珍惜與鄉局關係
至於湯家驊辭任後引發的新界東立法會議員補選，譚sir指要等11月區議會選舉後，民建聯下一步先會討論係咪派人出選，仲要同友好政黨協調。
更多港聞
創「糖．三藏」卡通拓商機 學生獲理大微基金圓設計夢
【明報專訊】夢想與生意，對不少人而言似乎是對立的，但有年輕人憑周詳商業計劃，令尋夢之旅走得更遠。今年獲理工大學微型基金資助的3名設計學院畢業... 詳情
【明報專訊】香港大學校委會今日開會審議副校長任命，法政匯思成員、紐約大學法學院教授孔傑榮（Jerome A. Cohen）今日在《明報》發表...
詳情
相關新聞
