「你唔寫清楚點知要帶乜」 家長要學校教仔「執筆袋」
[2015.09.16] 發表
【明報專訊】有教師噚日喺facebook專頁「90後教師決戰怪獸家長」上載一篇文章，話有家長致電投訴，不滿學校無為學生制訂「文具清單」，教師就唔應該責怪學生無帶齊文具。呢張帖文惹來不少人熱議，有人認為呢個家長誇張、無禮貌，亦有人認為學校提供「文具清單」係合適喎。
話說「戴sir」之前曾經提醒一個學生帶原子筆上堂，但對方嘅高級公務員Daddy投訴，「你學校有邊張通告有講要帶乜嘢文具上堂？」、「基本法有無寫？你black & white唔寫清楚點知要帶乜？」呢個家長仲要求校方成立委員會，再制定番學生要帶啲乜文具嘅清單出嚟，「你學校未整好個List之前唔好再話我個仔唔帶筆上堂」。
校長：有家長太保護子女
廠商會中學校長麥耀光就話，教書30年從未聽聞「教師要向中學生派文具表」，認為該家長要求「不合理」，反問﹕「間尺帶10厘米抑或15厘米長，是否也要列明？上到大學也要家課冊列明帶多少張紙、多少支筆抄筆記？這樣的話，學生連基本判斷能力也失去」。佢認為現今部分家長太保護子女喇，「動輒投訴學校，將責任推到學校」，令學生唔會成長，亦無學懂為自己嘅行為負責任。
更多港聞
【明報專訊】中學生人口下降的寒冬未過，教師入職不容易，教協一直批評合約制下有些教師「三年又三年」仍未獲長約，常為飯碗憂心。據筆者了解，教育局...
詳情
各校書費最多差7.9倍 中四平均2963元最貴
【明報專訊】消委會蒐集51間小學及42間中學的書單，發現今年小學及中學平均買書費用分別升4.2%及4%，貼近通脹水平，但各校買書費用差異甚大... 詳情相關新聞
