廠商會搞藝術展 「天天上班看展覧」
[2015.09.12] 發表
【明報專訊】廠商會予人印象係搞生產、講經濟，但唔好以為「廠佬」無文化，廠商會就喺現任會長李秀恒位於葵涌嘅活化工廈，搞咗個「企業家的藝術世界」展覽。展品都幾多元化，有廠商會永遠名譽會長楊孫西嘅書法、永遠名譽會長尹德勝嘅攝影作品、常務會董司徒健製作嘅陶瓷，仲有其他會董創作嘅詩、油畫等。此外，展覽亦都展出企業家兼書法家施子清嘅精心傑作。
李秀恒話，面對全球競爭，企業更需要加快升級轉型同建立品牌，創造優質嘅品牌形象，往往需要配合好嘅設計同品味，所以佢希望透過舉辦藝術展覽，令人對傳統工廈同香港工業有所改觀，亦將藝術注入工商業區，等大家可以「天天上班、天天看展覧」。
更多港聞
相關新聞
