踏殘破「婚紗橋」攞景 新人冇有怕
[2015.09.05] 發表
【明報專訊】有團體近日發現南生圍有「婚紗橋」之稱嘅小木橋塌咗，橋身損毁嚴重，但係噚日Emily仍然見到有準新人唔驚木條四散危危乎，企上橋上面影婚紗相，莫非真係相信「情比金堅」，唔怕塌橋？
相信好多人都想知道條橋幾時會復修，因為木橋係居民自發搭出嚟，唔係政府管理，一直關心開南生圍發展嘅元朗區議員鄺俊宇嘗試搵整橋嘅士多老闆，但暫時未聯絡到，佢奉勸各位市民暫時唔好行上橋，就算第日整返好，都要愛惜「婚紗橋」，唔好喺上面跳跳紮。
(蘇智鑫攝)
更多港聞
相關新聞
