盛智文「陰魂不散」 客串宣傳哈囉喂
[2015.08.28] 發表
【明報專訊】時辰又到，海洋公園重槌出擊「哈囉喂」15周年活動，舊年離任嘅前主席盛智文繼續「陰魂不散」，同粉墨登場嘅黃夏蕙(夏蕙BB)齊齊客串限制級鬼屋「H1」嘅宣傳短片。盛智文最鍾意扮鬼扮馬，今次化身「Zombie Boy」，強迫被綁住手腳、喺片中已經過咗身嘅夏蕙BB紋身。
羅蘭姐第二波廣告現身
好玩得嘅盛智文唔介意全身畫滿「屍紋」，講笑話自己想紋身好耐，但又怕痛喎，今次算係圓咗個心願。兩名「老戲骨」夠晒投入，預告鬼屋入面挑戰感官極限嘅「頭七之旅」，尤其夏蕙BB不停chok陰森樣，都咪話唔驚。
不過，年年有份嘅「聖羅蘭」(羅蘭姐)去咗邊？唔通畀夏蕙BB取代咗？Emily幫大家問過，形象深入民心嘅羅蘭姐會喺第二波廣告現身，好快有得睇。
更多港聞
【明報專訊】立法會內務委員會下星期二召開特別會議，討論鉛水事件。食水含鉛民生攸關，又可以喺地區攞分，議員當然想發言，不過諷刺嘅係，揭發鉛水事...
詳情
相關新聞
