新私隱專員﹕倘有權 必跟進電騙案
[2015.08.05] 發表
【明報專訊】個人資料私隱專員黃繼兒噚日第一日返工，對於近日有多宗冒認內地公安同中聯辦嘅騙案，佢話如果佢有權力同責任嘅話一定會去做。Emily諗新專員應該係留意有關個案係咪涉及《個人資料(私隱)條例》內該署可跟進嘅範圍，故新專員都補充話，有關電話騙案主力應是警方跟進，有需要時會配合。
黃繼兒又話，公署嘅權力及權責係法律所規定，如果有涉及法例規範事宜，一定「義不容辭」去做，但如果係條例所賦予權力以外嘅，就可以配合其他部門去做。
至於前任專員蔣任宏曾經提議修訂公司條例限制查冊，佢就話已經留意到外間關注，希望多聽意見，多留意大眾利益，睇吓點保障個人資料私隱同時，又可便利資訊自由流通。
更多港聞
相關新聞
