《可惜我是水喉匠》龍小菌改歌諷鉛水
[2015.07.15] 發表
【明報專訊】啟晴邨食水含鉛量超標搞到滿城風雨，唔少人都乘機抽吓水，好似網絡歌手龍小菌就將楊千嬅嘅《可惜我是水瓶座》改編成《可惜我是水喉匠》。
《可惜我是水喉匠》講出唔少飲鉛水嘅禍害，包括「減去腎臟那功能」、「若然視力日後衰退」、「飲太多你更會不舉」、「關節痛到我流眼淚」、「智商都會自己減退」，聽完都咪話唔驚。
雖然歌名叫《可惜我是水喉匠》，但歌詞就話「無謂再講水喉匠接駁害人類」，反而左一句「你老公獨立非執董無搞清楚」、右一句「蔣姓氏阿芸 你若能(弱能)陷害世人」，擺明係針對人。
同一首歌，網民妁小汀就改咗另一版本，變成《可悲我住啟晴座》。聽吓首歌，又「尤其元秋知情 扮作滿腦憂慮」，又「勸麗芸 老公牽涉就講少句」。Emily希望呢兩首歌唔會令當事人太傷心啦。
更多港聞
第18屆校園記者˙體育新聞王子伍家謙：一生離不開體育
【明報專訊】「家謙，交畀你講體育！」過去在晚間新聞報道中，觀眾不時聽到這句說話，不過自無綫電視新聞部前體育組首席記者伍家謙在2014年尾離職... 詳情相關新聞
