秋官好掛住「阿玲」
戥孝蟹勁掙百萬開心
[2015.06.05] 發表
【明報專訊】鄭少秋與汪明荃前晚為主持節目《Sunday靚聲王》錄影。秋官談到「孝蟹」邵仲衡憑重播《大時代》帶挈，勁掙7位數字。他說﹕「呢個『大仔』(指邵仲衡)失蹤了好耐無見，掙到過百萬，當然戥他開心。」對於有商場欲邀 《大時代》眾演員亮相活動，秋官表示要視乎誠意﹕「有誠意就感動到我，不過做節目都忙，如果掙不到錢就可惜。」
秋官又主動關心舊拍擋藍潔瑛的近況，他說﹕「我當然掛住『阿玲』 ，希望她身體健康，一切順利，她真的演得不錯，特別由少女轉做少婦的階段，真是好靚。」父親節將至，秋官笑言期待女兒送吻，又叫身旁的阿姐送吻。阿姐笑問﹕「不如我做你個女，叫你做老竇，你畀副身家我，你有500億！」秋官啜核地回應﹕「我都想搵阿媽。」
記者﹕鍾一虹
更多影視
相關新聞
