副局梁敬國創業賣涼粉兩日執笠

商經局副局長梁敬國噚日出席母校中大創業日開幕禮致辭時自爆，小學畢業後已試過「創業經驗」，走去賣涼粉，最後當然係無市場要執笠。（林俊源攝）

【明報專訊】中大噚日起一連兩日喺校內舉行「中大創業日」，展示一班學生同校友嘅創意創業概念同成果。身為中大校友嘅商務及經濟發展局副局長梁敬國，返母校出席活動開幕禮致辭時自爆，佢小學畢業後個暑假已經有「創業經驗」，仲要係賣「梁粉」。Emily同唔少在場人士初時聽到有啲愕然，認真聽番，原來係「賣涼粉」，但梁副局話呢次經驗唔算成功，只係堅持兩日就「光榮結業」。

梁副局話嗰陣佢同3個老友記喺街邊搵到棄置木頭車，一時年少輕狂，就喺附近開檔賣涼粉，雖然呢次經驗唔多算係正式創業，但佢回心一想，產品無特色、籌備兩日就「去馬」，又無長遠營商計劃同市場研究，最後蝕本收場都無可厚非。

同老友執木頭車開檔

佢話，政府其實畀好多資源鼓勵創業，去年起為大學提供資助學生創業嘅計劃，每年就留最多2400萬元畀6間指定大學，話中大都幾積極，申請咗唔少項目。

更多港聞

下月掌機管局 蘇澤光：首要搞三跑

【明報專訊】政府早排宣布貿發局主席蘇澤光（左）同機管局主席羅康瑞對調公職，運房局噚日正式宣布，蘇澤光6月1日起做機管局主席，任期3年。貿發局... 詳情

新社聯「一帶一路」作歌賀會慶

【明報專訊】新界社團聯會唔經唔覺成立30年，地區工作愈來愈犀利，噚日佢哋舉行30周年會慶，中聯辦主任張曉明、署理特首林鄭月娥同多名局長都有出... 詳情