退休後執屋執寫字樓
一哥要「執執個樣」

警務處長曾偉雄（右二）噚日出席警察隊員佐級協會新春團拜酒會，相信係佢退休前最後一次。同佢一齊上台祝酒嘅有榮譽會長梁智鴻（右一）、主席陳祖光（右三）同副處長盧偉聰（後左一）。（林俊源攝）

【明報專訊】警務處長曾偉雄(「一哥」)5月就屆57歲退休之齡，佢噚日出席警察隊員佐級協會新春團拜酒會，大家都好關心究竟佢會唔會準時退休？一哥就話要等政府公布，但究竟佢退休之後會做啲乜呢？一哥就話要執屋同執寫字樓，因為唔執會畀人鬧，又自言「幾十年無執吓個樣，要執執」。

做政協否？「唔識做，太深」

咁究竟曾偉雄會唔會好似有「Sorry sir」之稱嘅前處長鄧竟成咁做政協？佢就話「唔識做，太深」，仲笑言「無咁大個頭，唔好戴咁大頂帽」，又話鄧sir高自己幾班。一哥話對做義工有興趣，至於會唔會做私人機構，佢就無正面回答嘞。

一哥好鍾意行山，之前約咗記者退休前行一轉，今次佢就話退咗休之後，記者仲睬佢先算啦。咁佢行山時有無「野生捕獲」過「發哥」周潤發先？專向「五星級」難度山路挑戰嘅一哥就話大家行嘅路線唔同，仲話自己畀市民「捕獲」就有，但佢就唔識用自拍神棍同人selfie嘞。

噚日一哥心情靚靚，留低同好多同事合照；至於「未來一哥」熱門、副警務處長盧偉聰，就有記者搵佢selfie，人氣唔差過財爺曾俊華。

一哥又話，喺佔領79日期間一直有留守警總無走開，佢話唔想發生啲咩事，自己唔喺度會後悔。

盧sir就話佔中時有八成時間都喺office，夜晚就瞓尼龍牀，朝早就同其他留宿警總嘅大sir一齊喺廁所刷牙，笑言好似返咗學堂咁。

更多港聞

林鄭派傳單惹做媒猜疑

【明報專訊】政務司長林鄭月娥噚日落咗去將軍澳同觀塘派傳單推銷政改，其中一站係酒樓，點知撞正民主黨立法會議員胡志偉訂咗兩圍枱「開年」。形容「野... 詳情

馮華健坐住輪椅赴政協

【明報專訊】Emily早前提過，今年中央官員特別提醒出席兩會會議嘅港區人大代表同政協委員，盡量要出席所有會議，唔好請假、偷懶等，呢兩日政協已... 詳情

人力瞄準疑轉軚議員打小人

【明報專訊】政改第二階段諮詢本周完結，人民力量話趁周五驚蟄，會喺周六去旺角西洋菜街「打小人」。「慢必」陳志全笑住話，打小人唔係想「詛咒」疑似... 詳情

叫政府勿走數 思匯做丁屋政策研究

【明報專訊】由副環境局長陸恭蕙創辦嘅智庫思匯政策研究所噚日同傳媒茶敘，預告2015年會推出嘅研究報告，其中一項係連政府都唔敢搞嘅丁屋政策。思... 詳情

梁美芬10萬本《文憲》派街坊

【明報專訊】有法律界背景嘅經民聯梁美芬印咗10萬本新版《一國兩制有關文憲》（圖），準備派畀街坊同相熟學校。原來呢本《文憲》2004年時已經印... 詳情