視網膜脫落做手術 夢熊戴黑超捧民主黨
[2015.03.02] 發表
【明報專訊】上星期民主黨黨慶雖然無高官出席，但唔少建制派人士都畀面坐足全程，全國政協前委員劉夢熊(圖) 更加喺做完一個大手術後，休息咗半日就赴宴，認真夠朋友。劉夢熊同Emily講，因為視網膜脫落，啱啱做咗個要全身麻醉嘅手術。
泛民飯盒會噚日喺立法會舉辦「人大常委決定不可撼動？」研究會，劉夢熊獲邀出席主講，但佢全程戴住黑超，唔通想成為政圈潮流嘅尖端？佢完場後同Emily講，因為左眼視網膜脫落，做咗個大手術，「隻眼腫到不得了」，需要一段時間先可以復元，所以起碼要戴黑超多一個月，避免接觸強光。
劉夢熊話自己喺2月26號凌晨做手術，做咗3個鐘左右，之後27號晚照去民主黨黨慶。
(葉家豪攝)
更多港聞
【明報專訊】雖然地球每年都有日食現象，但未必人人有睇過，遑論係每隔18年先有嘅日全食。香港太空館即日起至8月31日上映一套新嘅天象節目——《...
詳情
【明報專訊】繼香港大學學生公投退聯（學生會退出學聯）之後，逐漸有大學啟動退聯程序及發起公投。嶺南大學退聯關注組表示已收集到足夠學生聯署，有望...
詳情
相關新聞
