3首席帶律師 中樂團唔畀入

公開批評中樂團行政問題嘅二胡首席辛小紅（右二）、中胡首席劉揚（中）同高胡首席辛小玲（左二）噚日帶埋律師（左一），同中樂團理事會主席徐尉玲見面，但中樂團話呢個係內部會議，唔畀律師入去，結果個會開唔到。佢哋畀咗封聲明理事會，由中樂團職員（右一）收下。（黃志東攝）

【明報專訊】香港中樂團嘅內訌沒完沒了。高胡首席辛小玲、二胡首席辛小紅、中胡首席劉揚3人原本應中樂團管方安排，噚日朝早出席特別委員會解釋佢哋嘅指控，但當管方見到3人帶埋律師赴會時，就唔准佢哋入會議室，話事先冇收通知會有律師出席，結果個解釋會開唔成。3個首席團員又嘗試「拍卡」去排練室，但發現團員卡失效，「闖關」失敗。

見面泡湯 明日再會

辛小玲等3人好不滿，中午同記者講，話中樂團理事會嘅做法係違反程序公義，一來未調查佢哋嘅指控，理事會已經定性咗佢哋指控失實，二來喺冇理據下停止佢哋排練工作，對佢哋唔公平。

中樂團安排咗聽日(周三)再見面，但辛小玲講到明要公開公正咁傾先至肯赴會，唔接受呢種內部閉門會議安排。中樂團理事會主席徐尉玲就解釋，暫停排練唔係停職，管理層會安排其他工作畀佢哋，至於點解唔畀排練，佢話因為要澄清佢哋嘅指控，先至可以繼續合作。

更多港聞

駐港總領事撐港台《遊學全世界》

【明報專訊】唔知喺咪畀人話外國勢力介入香港事務，近排外國駐港領事好似鮮有露面，不過噚日幾十個外國駐港總領事就雲集香港電台，唔通港台「勾結外國... 詳情

郭偉強結婚 CY到場

【明報專訊】工聯會立法會議員郭偉強（右）噚晚同女友拉埋天窗，踏入人生另一階段，喺尖沙嘴一間酒樓筵開約40圍，佢宴請唔少政界朋友，連特首梁振英... 詳情

海洋公園逐步免費Wi-Fi

【明報專訊】公共場所提供免費Wi-Fi服務已成為大趨勢。海洋公園噚日就宣布同香港寬頻合作，未來一年會分兩階段喺園內提供免費Wi-Fi，首階段... 詳情

李華明轟港府「細路仔玩泥沙」

【明報專訊】政界傳聞特首梁振英要班官員齊齊杯葛月底嘅民主黨20周年黨慶，民主黨晚宴籌委會主席李華明（Fred）噚日喺電台節目被主持問到呢個問... 詳情

葉劉否認捧陳岳鵬選立會

【明報專訊】有報道話新民黨主席葉劉淑儀有意「力捧」昔日愛將、政制及內地事務局政治助理陳岳鵬選立法會議員，仲話葉太會考慮喺下屆立法會選舉嘅名單... 詳情