【明報專訊】當近期政界集中討論政改，財爺曾俊華就好有閒情， 「閉關」一周休息同朋友夾band玩音樂，但玩之餘不忘評論時局，佢以古巴政局，以及多年前嘅古巴人音樂專輯《Buena Vista Social Club》及電影《樂滿夏灣拿》，比喻世事往往峰迴路轉，柳暗花明又一村，所以世事無絕對，叫大家講說話「不要說得太死」。 由樂滿夏灣拿講到與美復交 政改諮詢未開始，泛民政黨已表明會否決。財爺噚日喺網誌就話，迎接2015年嘅似乎仍係過去一年嘅納悶，「沒完沒了的爭拗、不問是非的反對……當然，世界沒有因為香港而原地踏步」。財爺話上月中美國同古巴談復交，結束50多年嘅敵對關係，令佢想起十幾年前買嘅唱片《Buena Vista Social Club》，近期坐車時亦會拎番出嚟播。 呢隻專輯喺1996年灌錄，有10多個古巴音樂人參與，當時最年輕的一人都有60歲。Buena Vista Social Club位於古巴首都夏灣拿，但因美國實施制裁，古巴音樂也從此在國際樂壇「被消失」。《Buena Vista Social Club》嘅故事其後拍成同名紀錄片《樂滿夏灣拿》。 何俊仁﹕可能畀北京聽 財爺借音樂論政，民主黨何俊仁就話財爺一向有幽默感，「可能係講畀北京聽」。何俊仁又反指人大常委8．31嘅決定先係將話講死，搞到無空間去討論喎。
|
| |
| |
;){kind=small}
;)
