林村今年搞掛許願鎖
寶牒首加價至25蚊

林村許願廣場今年2月19日至3月5日舉辦香港許願節，但寶牒會加價5蚊，加至25蚊。（劉焌陶攝）

繼旅發局抄外國喺聖誕樹搞掛情侶鎖後，今年大埔林村許願節都搞掛鎖，一對鎖賣38蚊，掛喺天后廟外圍欄，但到正月十五就會喺廟度化咗佢。（林村許願廣場提供）

【明報專訊】大埔林村許願廣場每到過農曆新年都搞「香港許願節」，今年由2月19日到3月5日(年初一至正月十五)。去到第五年，除咗最傳統嘅向許願樹拋寶牒外，今年多咗掛「誠心鎖願」，即係掛許願鎖。呢個習俗喺外國都唔少見，通常情侶會將情人鎖掛喺橋、鐵杆等，象徵情人之間嘅承諾。

38蚊一對 情人節掛到新十五

今年西方情人節比農曆新年早，所以誠心鎖願都會早少少、喺2月14日開始畀人掛，一對賣38蚊嘅心形木鎖掛上林村設置嘅圍欄後，到正月十五就會拆番落嚟，喺天后廟化咗佢。呢啲心形木鎖限量1萬對，不過一對木鎖用半個月就化咗佢，會唔會有啲唔環保呢？

寶牒蓮花燈套裝50蚊

另外，林村許願樹嘅寶牒5年來首度加價，一份由20蚊加到25蚊，而寶牒連祈福蓮花燈套裝就盛惠50蚊。大會話，過往幾年製作寶牒嘅物料加價，加幅都有三成，但大部分環保桔被市民帶走留念，真正被市民拋上許願樹上嘅唔多，定期都要重做新嘅環保桔，仲話過去幾年都係蝕住做，所以去到今年唯有加價。

更多港聞

163宗增值失敗

【明報專訊】港鐵港島線西延線上月28日通車，港鐵車務營運主管李聖基（基哥）噚日做總結，話服務大致穩定暢順，已通車嘅香港大學站同堅尼地城站合共... 詳情

浸會醫院接力潔手破世績 世衛港大合作仿效

【明報專訊】近年本港醫院積極推廣手部衛生意識，接觸病人前後或出入病房都應該清潔雙手，但成效始終唔顯著。浸會醫院舊年5月就搞咗一次大規模「潔手... 詳情

林鄭戴「潮物」手帶變生招牌

【明報專訊】勤力及被形容為「好打得」嘅政務司長林鄭月娥，近來就政改第二階段諮詢應該好鬼忙碌，原來佢都幾注意健康。噚日朝早林太出席電台節目時，... 詳情

就職廠商會長李秀恒好興奮

【明報專訊】廠商會早前內部經過激烈選舉，終於由全國政協委員李秀恒（圖）勝出，出任會長一職，噚晚舉行會董就職儀式，李秀恒成晚滿場飛，致辭時更極... 詳情

傑出港生融化愛滋孤兒

【明報專訊】曾獲選「十大傑出學生」的年輕人，4年前首次到內地探訪愛滋孤兒，理性中知道愛滋不易傳染，同枱吃飯時心魔卻仍悄悄作祟，「驚有點污糟」... 詳情