鄭秀文型爆曬骨感
紅館騷開鑼
【明報專訊】鄭秀文(Sammi)闊別紅館5年舉行12場聖誕跨年《TOUCH MI世界巡迴演唱會》掀起撲飛熱潮，昨晚正式揭開序幕。Sammi化身性感百變天后，型爆造型換不停。開場她以獨角獸頭盔配皮褸騷長腿，又有透視黑Bra大露背Look，騷骨感肌肉。她與男舞蹈員大跳辣身舞，更high爆瞓地，施展渾身解數，動作誘人。
化身「銀色獨角獸」出場
演唱會於晚上8時53分開場，部分觀眾顯得有點不耐煩。此時20名舞蹈員以全金色造型出場，之後Sammi以銀色獨角獸頭盔、黑皮褸騷長腿Look站在幻彩舞台側，型爆現身，她拿着水晶手槍開了幾槍，舞台移動到台中央後，她獻唱快歌《Bang Bang Bang》，全場觀眾尖叫不停。她接着唱《螢光粉紅》時，除去帽及皮褸，見她穿著類似一件頭連身泳衣，前面透視現黑Bra，後面大露背，雖然她身材平板骨感，但有肌肉，騷鍛煉成果。她啡色短髮，襯兩邊不同色的眼妝，型格十足。當她唱完第3首歌《煞科》，觀眾大叫她，她扮感動落淚。
「小鳳姐開聲一定畀飛」
Sammi穿上熒光紫紅斗篷後，跟觀眾說﹕「5年，上次紅館開騷是5年前，之後兩年走埠，兩年無開演唱會，因自己未累積到最好，今晚就準備好。聽聞你哋買飛唔容易。小鳳姐早兩日打畀我話想睇，仲要5、 6、7張，小鳳姐開聲一定要畀。今晚好多好惜我嘅朋友來支持我，一陣同大家介紹。今晚演唱會由東亞製作，東亞賣飛，但我想問誰的飛是來自東亞？有無yellow power？南亞呢？有無人以6900元買第一行？可否畀張飛我睇？每次開演唱會唔可以預計結果，但可以控制付出同努力。演唱會不是一人努力，係互動，既然你用8600元買第一行飛，都唔享受就你嘅事。我就好享受，終於可搣甩唔使成日食烚菜烚雞，搞到我成個烚字。」其間她望向半山向一名觀眾大叫﹕「你小心呀！差啲成個跌落嚟，你呀！480元飛嗰個，唔好因小失大。」
白色透視 分不清布和肉
Sammi接着換上爆炸頭假髮及露出一邊黑Bra性感造型亮相，繼續騷長腿。男舞蹈員赤裸上身，穿肉色褲，與她大跳辣身舞，有點身體接觸，她更high爆跳到瞓地，動作誘人。其後她再以另一白色透視造型出場，笑問觀眾是否估到她身上那些是布那些是肉？她又感慨說﹕「5年好快過，記得唱《放不低》時仍賣Discman廣告，?家都無了，好彩我未被淘汰。」然後她唱《一追再追》，她介紹時說這首歌是為一個情緒病機構籌款，自己曾經歷過這方面問題。她唱完後，說相信哥哥(張國榮)聽到這個版本會開心，覺得不錯。
「安仔」出場 粉絲大叫
當她以「安仔」介紹嘉賓C AllStar的on仔出場合唱《時間之光》，粉絲大叫以為是她男友許志安，當見到安仔出來，Sammi笑指﹕「呢個唔同屋企嗰個，呢個靚仔啲年輕啲！」雖然on仔說叫他「細安」，但Sammi仍扮古怪聲叫安仔，說改不到口。Sammi百變造型不停，再換上白色低胸紗裙，胸口現排骨。昨晚捧場有徐小鳳、鍾楚紅、葉雅媛、歐倩怡等。
記者﹕孫慧莊
■更多娛樂猛料 ﹕ol.mingpao.com
