歧視例修訂 打擊顧客性騷擾
[2014.12.04] 發表
【明報專訊】大家噚日目光都關注佔中三子等人自首，其實立法會都有重要事情發生，就係三讀通過《性別歧視條例》，堵塞法例漏洞。原本條例只係保障顧客或乘客免受服務人員性騷擾，但調轉顧客或乘客性騷擾服務人員就不受保障，今次修例就將後者情形納入條例涵蓋範圍。
經修訂嘅《性別歧視條例》將於下周五(12日)刊憲正式生效，平機會主席周一嶽話歡迎當局修例，認為有助打擊工作間嘅性騷擾，為經常需要接觸顧客嘅前線職員，好似空少、空姐等提供更大保障，免受顧客性騷擾。佢重申，性騷擾行為令人不齒，未來平機會將就新法例加強向公眾宣傳，包括更新單張、為相關組織舉行簡介會等。
更多港聞
【明報專訊】新高中學制通識科嘅其中一個宗旨係培養學生「critical thinking」嘅能力，呢個詞一直都譯作「批判性思考」，不過教育局...
詳情
相關新聞
