簽名攤位「支持周融」找數
幫港出聲斥抄襲 已報警

有人喺網上貼圖，展示喺灣仔莊士敦道行人路有人搞「支持周融」簽名活動，簽名支持周先生「找數」，兌現佢講過佔中成功便會搬離香港一說。（網上圖片）

【明報專訊】噚日係「保普選反佔中大聯盟」最後一日嘅簽名活動；另一邊廂，喺網上有人貼出灣仔一個簽名活動照片，就係公開「支持周融」嘞，支持曾經話佔中成功會移民嘅大聯盟發起人周融「找數於民 恢復市容 長居英國」，個攤位同橫額嘅設計仲學足保普選反佔中簽名攤位。「幫港出聲」就喺facebook專頁話已經報警處理，又鬧偽冒街站抄襲大聯盟橫額設計。

話已交錢棄居英權

周融噚日同記者講話惡搞佢無咩所謂，佢係一個拎香港護照嘅普通香港人，「香港係我屋企」，會留喺度打呢場仗，又話已經正式放棄居英權，仲同Emily講已經交埋錢辦理手續。

反佔中歌改編《舊歡如夢》

另外，相信大家仲記得撐警歌《香港生命》，噚日Emily喺WhatsApp收到一首反佔中歌《怎堪司法賤似泥》，改編自《舊歡如夢》，首歌好有「老友記」feel，一開始以呂奇腔唱出「緘默嘅終於也要出來 在發聲確是無耐(奈)」，仲有獨白讀出「非法佔中搞亂香港……撕裂香港」，最後唱出「怎堪司法賤似泥」時仲要彈出一張泥地相，表達方式真係好鬼簡單直接，首歌喺YouTube至昨晚有約1000個like。

更多港聞

鑽的最佳乘客 套票獎品變提子

【明報專訊】一直提供無障礙的士服務嘅「鑽的」噚日搞咗個「我們最喜愛的鑽的乘客」頒獎禮，表揚3位乘客喺孝心、守時同禮貌等方面嘅表現，得獎者可以... 詳情

免費表演賀文化中心25年

【明報專訊】尖沙嘴香港文化中心當年設計毁譽參半，有人話過外觀似公廁，但近年文化中心嘅外牆，已成日變成大型投射屏幕，創意無限。中心開幕時，時任... 詳情

國泰港龍推七五折長者機票

【明報專訊】今個月16日係長者日，國泰同港龍都推出七五折長者特惠機票，國泰話今次優惠包括新加坡、悉尼同溫哥華等地，港龍嘅機票就可以去到福岡、... 詳情

尼姑道長代爺姥勸佔領者回家

【明報專訊】有人話旺角係臥虎藏龍之地，噚日有約60個自稱宗教界人士，手持黃底紅字示威標語，到旺角要求佔領者離開，部分人穿上道士、和尚服，唔知... 詳情

吳克儉又出埠 訪德瑞5日

【明報專訊】教育局長吳克儉又出埠喇，佢今日會率領教育代表團到德國同瑞士訪問5日，了解當地嘅職業教育制度，以及促進年輕人就業發展嘅方案，並會同... 詳情