【明報專訊】全國政協副主席、前特首董建華計劃成立民間智庫，喺政壇引起一股「智庫熱」，身兼滬港經濟發展協會會長嘅港區人大代表姚祖輝(Andrew)就透露，正協助聯絡一個名叫滬港經濟發展研究中心嘅民間智庫類組織，落咗水嘅包括嶺南大學校長鄭國漢同社會科學院院長魏向東，仲搵緊一個學者型嘅商界人士做主席，細節預料10月底揭盅。
嶺大校長院長齊落水
日前盛傳「滬港通」會喺10月27日開通，姚祖輝話，佢亦希望等「滬港通」推行之時就公布成立智庫詳情。佢?家正積極為中心籌款，如果要中心運作幾年，預計1000萬元唔少得。佢話日後中心嘅研究班底，主要來自嶺南大學同上海市政府關係密切嘅研究中心，亦會睇吓兩地政府、商界想知啲乜，以做研究。
搞研究先有話語權
至於點解要成立研究中心呢？Andrew話，因為?家唔少內地領導都唔滿足於只係「口噏噏」咁宣傳合作，無研究就無話語權，所以要搞智庫，幫助滬港經濟發展。
;)
