港大前校長戴義安英國逝世
[2014.07.25] 發表
【明報專訊】香港大學校長馬斐森噚日向港大教職員、學生同校友發電郵「宣布一個令人傷感嘅消息」，就係港大第13任校長戴義安(Ian Davies，圖，攝於2001年港大校園內)噚日喺英國倫敦安詳離世。
臨危受命 促成建牙醫學院
戴義安教授當年接任校長一職可算「臨危受命」，2000年7月，港大民意研究計劃主任鍾庭耀喺報章撰文，大爆時任特首兼港大校監董建華透過「中間人」施壓，話唔准再做有關特首同政府嘅民意調查，當時引起社會爭議，認為係干預學術自由，事件引發時任港大校長鄭耀宗辭職，由戴義安接任校長至2002年。
馬斐森校長嘅電郵讚揚戴義安對港大貢獻良多，包括有份促成港大成立香港第一個亦係至今唯一嘅牙醫學院，整個港大家庭都對佢離開嘅消息感到好悲痛。
(資料圖片)
更多港聞
【明報專訊】泛民激進派喺議會內掟嘢後，政務司長林鄭月娥都會去信立法會譴責事件，點名批評相關議員，好似今個月初特首答問大會，20幾名泛民集體抗...
詳情
相關新聞
