【明報專訊】佔領中環爭普選嘅行動，固然人數要多，否則既癱瘓唔到中環，亦不能引起社會注意，佔中發起人之一戴耀廷噚日出席一個論壇就話，其實參加者嘅「重量」同樣重要。Emily數數手指，民主黨創黨主席李柱銘、前港區人大代表李鵬飛都講過支持佔中，近日仲有天主教香港教區榮休主教陳日君樞機亦話樂意冒被捕風險，如果呢班「重量級」人馬因佔中被拉，畫面應該夠晒震撼。點知，戴耀廷心目中想招攬嘅係200磅以上嘅人！ 原來警察抬起一個成年人，一般會出動6個警員，因為除咗要抬起示威者四肢外，警察仲好關心示威者嘅腰骨，於是戴耀廷講笑咁話，如果派超過200磅嘅重量級人馬佔中，咁就增加咗警方拘捕示威者難度，近排搞佔中瘦咗唔少嘅佢仲話，咁就可以有藉口畀自己增肥啦！
|
| |
| |
