【Emily】市民追十六圓月 燭光點綴屋邨燈籠陣
[2025.10.08] 發表
【明報專訊】噚日係中秋追月夜，喺荃灣象山邨，今年再有大型燈籠陣，邨內天井掛滿五彩繽紛嘅傳統紙燈籠(圖1)，構成獨特嘅中秋景象，吸引唔少街坊同市民到場拍照，亦有年輕街坊喺大廈走廊點蠟燭(圖2)。至於西九文化區，亦有唔少人一家大細帶同摺椅、燈籠同月餅賞月，海旁草地人山人海。雖然噚晚雲量較多，月亮不時被雲層遮掩，但無損市民賞月興致。
今年第三個「超級月亮」喺中秋前後登場，直徑較平常大14%，亮度提升30%，同時出現「十五月亮十六圓」現象，即係追月夜嘅月亮(圖3)比中秋正日更圓。根據天文台賞月錦囊，噚日早上11時48分係滿月，但當時月亮位於香港地平線以下，市民睇唔到；到咗傍晚6時06分，月亮從地平線升起，到今日零時34分月上中天，係最佳賞月時間。
(鄧宗弘攝)
更多港聞
中大醫科課程改 首兩年倡副修、社服 6年分成3階段 下學年採用「擴學生視野」
【明報專訊】中大醫科下學年（2026/27）起將採用新課程模式「CU Medicine Plus」，希望醫科生兼具創科精神、領導力和人文關懷... 詳情
視聽之娛：《觸電》——取材嘗試新意，意念可更超前
【明報專訊】《觸電》講電競選手（包括新人和老手）的故事，是香港電影少見的嘗試，由新導演創作，更是值得鼓勵，可惜實在來得太遲——今天走得最前的... 詳情相關新聞
