【Emily】今夏平均29.1℃ 熱過常年 落足19日 上月雨量歷年8月第三
[2025.09.03] 發表
【明報專訊】呢個禮拜開學天朗氣清，天氣好熱，但上個月就成日落雨，唔少學生哥都呻暑假少咗機會出街玩。天文台綜合番6月至8月天氣，話今個夏季較正常炎熱，平均最低氣溫27.2℃、平均最高31.9℃，而平均29.1℃，三者分別係歷來同期嘅第六高、第七高同第九高。
至於剛結束嘅8月就遠較正常多雨，全月總雨量939.2毫米，比正常值453.2毫米高超過一倍，係有紀錄以來8月份嘅第三高。Emily睇番資料，原來上個月有19日落雨，其中8日發出暴雨警告信號。
首8月8次1號波 79年新高
上個月最大雨係2號至5號，當時香港受一股活躍西南季候風同高空擾動影響，令到天文台喺4日內三度發出黑色暴雨警告，其中8月5號天文台總部錄得368.9毫米雨量，係1884年以來最高。呢4日天文台累積雨量近600毫米，將軍澳同慈雲山更加超過800毫米。截至上月，天文台今年累計發出5次黑雨警告，破歷年紀錄。
除咗落雨，上個月亦不時打風，天文台發出咗4次1號戒備信號，累計今年首8個月就發出8次，亦打破1946年以來同期紀錄。
更多港聞
【Emily】英法官訪港講禁制令 憶26年前湯家驊同場
【明報專訊】英國最高法院雖然無再派法官嚟香港做非常任法官，不過兩地司法界就仲有交流。英國資深法官Lord David Richards噚日出... 詳情
【Emily】2100基層生獲中電送iPad 兼學編程
【明報專訊】中華電力與津貼小學議會、中文中學聯會、港專學院及職業訓練局合作，今年再度推出「電子學習支援計劃」，為超過2100個基層家庭嘅中小... 詳情
藥倍釀風波 家長仍安心 聖保羅男女附小簡介旺場
【明報專訊】直資名校聖保羅男女中學附屬小學昨日舉行小一入學簡介會，約1100個家長入場。有家長稱有留意「藥倍安心」風波，認為不影響對該校的整... 詳情相關新聞
