【Emily】Bonaqua出帖：香港製造安心之選 政府招標落選 網民話「抽水」
[2025.08.20] 發表
【明報專訊】政府辦公室近月轉換飲用水供應商，有兩個內地品牌中標，舊供應商之一、本地集團太古可口可樂嘅Bonaqua落選，但新中標嘅其中一家貿易商「鑫鼎鑫」就被揭發供應冒牌水。太古可口可樂噚日喺facebook貼出一張18.9升樽裝「飛雪純淨水」嘅宣傳圖片(圖)，帖文話係「香港製造．安心之選」，仲標明符合安全標準，有網民就形容係「抽水」。
話符安全標準 三語溝通無障礙
太古可口可樂喺帖文強調「飛雪純淨水」係「純淨水源」，「全方位守護你與家人的健康」，亦符合ISO及NSF國際安全標準，仲話有本地客服支援廣東話、英語同普通話，「溝通無障礙」。不過，每樽18.9升嘅「飛雪純淨水」賣83蚊，而按照物流署資料，鑫鼎鑫供應188萬樽18.9升飲用水，中標價5294萬元，即平均每樽28蚊。
售83元貴鑫鼎鑫一大截
另外，政府新聞網社交媒體噚日亦上載財庫局長許正宇向傳媒回應事件嘅片段，引嚟過百留言，當中大部分係負評，唔少網民關注有無官員要問責落台，又追問今次飲用水招標準則同過程，同埋鑫鼎鑫中標嘅原因，似乎事件都仲有好多疑問未解。
更多港聞
【Emily】畀街坊話「發福」 李梓敬減肥60日
【明報專訊】現代人追求健康，新民黨立法會議員李梓敬（圖）噚日就自揭畀好多街坊話「發福」，好耐無磅過重嘅佢於是上磅，發現自己達154.4磅嘅體... 詳情
【明報專訊】乳癌係香港女性嘅頭號癌症同第三位致命癌症。中大醫院噚日宣布獲得李賢義家族支持，即日起推出「乳癌手術資助計劃」，協助正喺公立醫院輪...
詳情
【明報專訊】唔少港人喺假期北上，港鐵話因應暑假出行需求，東鐵線兩個口岸的列車服務已調節班次，其中往來落馬洲最快8分鐘一班，仲推出咗小朋友免費...
詳情
【Emily】4人膺浸大榮譽院士 涵殘奧滾球手何宛淇
【明報專訊】浸會大學噚日宣布向4人頒授榮譽大學院士，表揚佢哋對社會嘅貢獻，包括舊年巴黎殘奧雙金得主何宛淇，同埋民建聯選委界立法會議員陳永光、... 詳情
【Emily】迎全運 承豐道公園8?31搞親子運動會
【明報專訊】為咗迎接11月嘅全運會，土拓署上個月起喺啟德承豐道公園舉辦一連4個月、超過15項「樂在承豐．動樂無限」運動主題活動，嚟緊8月31... 詳情相關新聞
