【Emily】除黑袍做同袍 前法政匯思羅紹軒圓夢做輔警

[2025.07.25] 發表

【明報專訊】警方刊物《警聲》新一期封面以「『雙面』人生」為題，講述「紹軒」(Jason)日頭做大律師，夜晚做輔警巡更。Emily留意到，呢個阿sir曾經係已解散嘅法政匯思成員羅紹軒。根據羅所屬大律師事務所網頁，暫未更新佢做咗輔警呢項資料。

據Jason喺《警聲》講，自己「從小就係警察粉絲，愛看偵探推理小說，總幻想着自己化身探員伸張正義」。佢曾因體能未達標而暫時放低咗做警察嘅理想，到舊年再考輔警，今年5月畢業，被派駐北角分區。

曾因體能未達標放低理想

佢話作為大律師，會嚴格審視控方證據，但當自己以警員身分第一線蒐證同處理案件，「才真切體會到要達到律師眼中『完美』的標準，過程是多麼艱鉅與複雜」。

《警聲》提及，Jason曾喺處理一對老夫婦因樓上單位長期滲水導致糾紛報案時，建議夫婦向「滲水辦」求助同埋申請妨擾事故通知，事後警察公共關係部收到對佢嘅表揚。Jason話：「能將所學的法律知識，應用在最前線直接幫助市民，那種滿足感難以言喻！」

更多港聞

【明報專訊】仁愛堂噚日舉行傳媒午宴同服務巡禮，提到今年1月喺九龍城區試行替假護老者「義氣仔女」培訓先導計劃，培訓社區義工上門照顧長者，等照顧... 詳情

【明報專訊】颱風「韋帕」周日襲港，相關部門喺佢遠離後展開特別巡查。發展局噚日喺社交平台交代進展，話巡查行動短時間內大致完成，其中樹木管理部門... 詳情