【Emily】高德7月訂單增三成 滴滴話暑假飈5倍
[2025.07.23] 發表
【明報專訊】兩間內地網約車平台「高德地圖」同「滴滴出行」舊年上半年喺香港開業，噚日分別公布營運數據。高德地圖話受惠旅客數量回升，7月頭至噚日香港使用量按年增長超過30%；滴滴出行更加話今個暑期香港叫車訂單量按年增長超過5倍，反映本地市民同旅客都對點對點出行服務有好大需求。政府近日提出規管網約車，高德同滴滴都話會繼續同的士合作。
續同的士合作 推暑假優惠
高德話，近日同的士車行合作，推出早上高峰時段司機免佣等獎勵；又話有車行旗下自組嘅「幫到你出行」車隊司機，透過喺高德地圖上線，平均收入增長超過10%。滴滴就話期待同的士車隊合作，助力的士服務質素提升。
暑假係旅遊旺季，兩間平台亦推出優惠，滴滴即日起至下月24日新用戶首單減100蚊，每個用戶每日亦最多有3程車半價，每程最多減50蚊。滴滴話數據顯示熱門叫車地點包括山頂纜車站、啟德體育園、海港城同維港等地標景點。高德就話近期已經向每個乘客發放總值200蚊嘅優惠券。
更多港聞
【明報專訊】勞工處今個周四同周五（24及25日）會喺旺角麥花臣場館舉行共創多元文化工作間招聘會，藉以促進少數族裔等求職者嘅就業機會，共提供超...
詳情
【Emily】教大首辦國際長者輕排球賽 健兒最大72歲
【明報專訊】教育大學健康與體育學系上周五及周六喺校內主辦首屆「國際長者輕排球比賽」，12隊參賽隊伍合共超過120個健兒分別嚟自香港、內地、日... 詳情
【Emily】紅磡都市公園全面開放 辦3日活動 有平衡車玩
【明報專訊】鄰近紅磡渡輪碼頭嘅「紅磡都市公園」早幾日全面開放，佔地6600平方米，發展局同海濱事務委員會會喺嚟緊嘅周六至周一（26至28日）... 詳情
相關新聞
