【Emily】瑞典地理教科書封面 取港藝術家火炭畫作
[2025.03.15] 發表
【明報專訊】瑞典一本高中地理科教科書Geografi，封面(圖)用咗香港藝術家黃進曦嘅畫作《火炭全景(Fo Tan)》。黃進曦前日喺社交平台「報喜」，感謝出版社選用佢嘅畫作。
去年黃進曦同本地藝術家周俊輝合辦聯展《浮山蜃市星閃閃》，以「光」為主題探討光線對香港城市面貌同郊野景觀嘅影響。其中黃進曦將焦點放喺生活咗10幾年嘅火炭社區，並首次展出《火炭全景》，呈現火炭喺城市與郊野間嘅交融之美。
黃進曦1986年出生，2008年畢業於中大藝術系，一直專注戶外寫生，自言「借畫去留住每一片主觀的風景」。佢曾多次舉辦個人畫展，香港、台北及英國等地都展出過佢嘅作品，部分畫作更獲香港藝術館收藏。
更多港聞
【Emily】香港站《牛仔》展 王司馬手稿曝光
【明報專訊】牛仔嘅四格漫畫伴隨唔少港人成長。港鐵噚日起至本月23日，將喺香港站舉辦《牛仔伴你尋找回憶之旅創作展》，展出作者王司馬珍藏手稿同經... 詳情相關新聞
