【Emily】世衛主任訪港 衛署帶行山賞中藥植物
[2025.03.13] 發表
【明報專訊】世衛西太平洋區域主任Saia Ma'u Piukala上任後首度訪港，周一、周二先後同醫衛局長盧寵茂、衛生署、中大醫學院創新診斷科技中心、港大公共衛生學院院長David Bishai等會面交流。Piukala醫生噚日喺社交網站總結行程話，世衛重視香港喺新冠抗疫期間嘅公共衛生措施、有力嘅控煙措施等。
Emily留意到，衛生署長林文健同Piukala見面交流香港醫療制度、處理新冠策略、控煙等時，署方準備咗蛋撻同奶茶招呼客人。Piukala今次拜訪另一睇頭係中醫藥發展，包括到訪衛生署政府中藥檢測中心，又喺衛生署人員陪同下到訪山頂夏力道步行徑。衛生署前日話一行人觀賞本地野生藥用植物，包括香港大沙葉、金毛狗脊同粗葉榕等物種。
Piukala形容今次旅程大開眼界，見到香港喺公共衛生、診斷、機械同藥物方面嘅領先地位。
更多港聞
【明報專訊】好多人工作一段時間會停一停去進修，浸會大學近年有一個「香港浸會大學新聞工作者訪問學人」計劃，資助傳媒行家休假，以全職學生身分進修...
詳情
【明報專訊】今年係選舉年，根據選舉事務處噚日提交立法會嘅文件，今年嘅選民登記運動將有更廣泛宣傳，例如喺屋苑、公共地方設流動登記站、製作宣傳節...
詳情
救校方案4變3 私營小一門檻升 刪特別視學選項 校長稱更難「復活」
【明報專訊】官津小學目前因收生不足會被「派0班」小一（即不獲政府資助辦小一級），可選「救校方案」爭取繼續營辦。教育局昨日公布方案「4變3」，... 詳情
相關新聞
