【Emily】聖雅各福群會4．5賣旗招義工
[2025.03.06] 發表
【明報專訊】聖雅各福群會喺下月5日舉行全港賣旗日，呢次活動以75周年新設口號「連結笑容 展信敢行」為主題 ，製作咗一套5款旗紙，設計運用咗繽紛色彩兼笑口常開嘅圖案，向大眾傳達開心、正面信息。賣旗所得善款會用於支援該會旗下社會服務，畀有需要嘅人得到適時適切服務。
該會誠邀公眾、企業伙伴、機構團體及學校參與，成為賣旗義工兼捐款支持，希望大家共襄善舉，為社會帶來更多溫暖。
聖雅各福群會分享咗一名服務使用者故事，20年前一場工傷改變咗黃先生嘅生活軌迹，腰部受傷令佢每日需服用大量止痛藥，輪椅變咗廿載伙伴，行動自由被痛苦取代。黃先生未向命運低頭，透過參加持續照顧服務「運動戶戶送」計劃，喺該會同事努力及用心協助下可以重新企起身，重回原有生活軌迹。
更多港聞
香港法國文化協會：法語課查詢增 歸因DSE丙類科改制 政府推資助
【明報專訊】涵蓋多種外語的中學文憑試（DSE）「丙類」科目考試，今年起首次改由各官方文化機構語言考試取代劍橋國際試卷，其中法語考生須向香港法... 詳情
相關新聞
