【Emily】周守仁訪滬教區 參觀清真寺龍華寺等
[2025.03.04] 發表
【明報專訊】天主教香港教區主教周守仁繼前年訪京、舊年訪粵，上月24號第三次率團訪問內地，今次去上海教區，為期5日。行程第二日，周守仁同上海主教沈斌喺佘山聖母大殿奉獻感恩祭一齊為病重嘅教宗方濟各祈禱，周守仁話經驗特別，祈禱時感動到不禁落淚。
除咗天主教朝聖地，代表團今次跨宗教，去埋松江清真寺、上海市基督教中國化實踐中心、佛教龍華寺、道教城隍廟。接待方又安排佢哋了解上海政經發展，包括參觀長三角G60科創廊展館、中國共產黨第一次全國代表大會會址、龍華烈士陵園等。
話「聖」「俗」有合作空間需要
周守仁總結行程話，為今次旅程感恩，留意到上海教會同中國天主教愛國會、政府部門之間維持住一定嘅關係，香港教區都要有開放嘅心，同各方面交流合作，「聖」與「俗」有合作嘅空間同需要。隨團嘅輔理主教夏志誠話，上海同香港都係大都會，重視經濟，同樣面對喺城市點樣傳福音，期望兩地多交流。
更多港聞
八大離職減 續達20年第三高 劉智鵬稱移民潮趨穩 不憂削款趕人才
【明報專訊】教資會公布8間資助大學上學年（2023/24）教學人員離職數字，共333人（6.3%）離職，按年減少47人，即減1.3個百分點，... 詳情
【明報專訊】中大及港大醫學院各提供25個4年制第二學位醫科課程學額，今年9月入學，中大5月30日截止申請，港大則於6月20日截止。
兩...
詳情
相關新聞
