【Emily】欖隧修正案掀「筆戰」 田二少話唔想對着幹 答應高官唔拉票
[2025.02.18] 發表
【明報專訊】立法會聽日將恢復二讀政府收番大欖隧道後嘅新收費條例草案，實政圓桌議員田北辰上個禮拜提修正案，建議欖隧非繁忙時段免費。會議未開，政府同田二少已連日「筆戰」，運輸及物流局之前向立法會交文件，話修正案會導致財赤同塞車，噚日再喺facebook發帖「拉票」，話新收費方案經過通盤考慮、有廣泛共識，唔點名話有議員提出嘅修正案，會令欖隧收入大減八成，導致營運上不可持續，呼籲一眾議員做「明智決定」，支持草案通過。
運物局：非繁忙免費營運難持續
田：點解9條免費隧道又得？
田二少隨即喺facebook反擊，話𠵱家9條政府隧道，例如將軍澳隧道、啟德隧道都免費，一樣喺無收入下有維修保養開支，質疑點解呢啲隧道嘅營運又可持續。佢噚日向Emily透露，有政府高層聯絡佢，希望佢唔好拉票，佢考慮後因為「唔想同政府對着幹」，所以應承咗，於是噚日只係向一眾議員發信息同電郵盡力「解釋」，無要求支持修正案。
田二少唔拉票又繼續提修正案，佢話因為覺得有責任解釋清楚背後理念，強調自己唔止睇欖隧，而係關注政府決定一條道路係咪收費嘅背後原則，至於最後大家點投票，「由各位尊敬嘅同僚自己判斷」。
局方噚日喺facebook重申，政府收費方案以科學為本，分析咗大量交通數據，目前隧道費已下調22%至80%，同時可紓緩屯門公路以至吐露港公路嘅交通。
更多港聞
【Emily】何柱國肺癌康復籲戒煙 感謝盧寵茂
【明報專訊】全國政協前常委、商人何柱國噚晚出席商台節目《光明頂》時透露，幾個月前發現患肺癌，諮詢過美國嘅醫生，對方建議佢留港治療，其後佢到養... 詳情
【Emily】青協調查：44%青年認為政黨能反映民意 比例升 過半感選舉投票有用
【明報專訊】青協青年研究中心噚日發表「青年價值觀指標2023」調查，發現本港青少年「政治效能感」回升，44%受訪者認為政黨能夠反映民意，超過... 詳情
【Emily】迪士尼聘身心障礙者 「伴你同行」明可申請
【明報專訊】香港迪士尼樂園自2007年推行「迪士尼伴你同行計劃」，聘請有身心障礙嘅人工作，聽日會接受新一期申請，有超過50個職位空缺，有興趣... 詳情
【明報專訊】港產大熊貓龍鳳胎「家姐」同「細佬」前日正式亮相，吸引咗超過5000人入場先睹為快，海洋公園主席龐建貽噚日喺電台節目話，前日入場人...
詳情
【Emily】八鄉少訊中心大改造 引入創科訓練
【明報專訊】位於元朗嘅八鄉少年警訊中心G座做緊改善工程，計劃增加約1000平方米訓練空間，並引入創新科技，提升學員體驗同訓練效果，工程預計耗... 詳情相關新聞
