【Emily】明年人口普查 只抽一成填長問卷
[2025.02.15] 發表
【明報專訊】政府噚日宣布，2026年1月1日至12月31日會做人口普查。呢次人口普查有新措施，只會抽大約一成人口做「長問卷」，其餘九成人唔使填任何問卷，統計處會用政府嘅行政數據補充，減輕受訪者負擔，另外政府會喺今年4至7月先做小型試驗調查。
今年將做試驗調查
統計處鼓勵被抽中嘅住戶用網上問卷參與人口普查，住戶亦可以選擇透過電話訪問交資料；統計處亦會安排統計員到訪未交問卷嘅住戶，蒐集所需資料，所有資料會喺2027年12月31日或之前銷毁。
統計處提醒，被抽中嘅住戶會收到統計處發出嘅通知信，若果住戶無向統計處提供電話號碼，統計處絕對唔會主動打電話畀你。而統計員上門訪問嗰陣會著背心制服，仲會帶埋政府僱員身分證或統計員身分證，同埋統計處簽發嘅統計員身分證明書，大家要認住喇。
更多港聞
相關新聞
