【Emily】局勢不穩 立會取消赴韓考察
[2024.12.07] 發表
【明報專訊】韓國總統尹錫悅周二(3日)頒發戒嚴令6小時後撤除，引發嘅政治風波仲未平息，立法會代表團原定今個月18日至24日去韓國同日本考察，噚日議會聯絡小組主席張宇人喺內委會話，考慮到韓國局勢，會面安排有好多嘢唔確定，所以取消韓國嘅行程，21至24日就照去日本。
根據立法會文件，初步估計每名議員嘅開支預算5萬元，𠵱家取消去韓國，張宇人噚日未交代最終預算開支。
呢次代表團原定拜訪韓國同日本國會、相關政府部門、機構及企業，了解日韓兩國喺貿易、文化旅遊、農業與食品方面嘅最新發展同機遇，仲會同當地商界會面，立法會主席梁君彥都會參與日本行程。
另外，下周四(12日)嘅「行政長官互動交流答問會」兩節主題已敲定，分別係「教育科技人才一體化發展」及「拓展國際網絡、發掘新增長點」。
更多港聞
相關新聞
