【Emily】楊潤雄發帖「天空海闊」 吸近千留言 多政界前官員祝福 亦有花生友贈興
[2024.12.06] 發表
【明報專訊】政府領導班子換人，離任嘅文體旅局長楊潤雄喺facebook發帖話「謝謝大家關心！天空海闊，踏上人生另一階段。」唔少政界同前官員都留言送上祝福，由於帖文係公開，亦有唔少「花生友」留言贈興。截至噚晚9點有近千個留言。
現任立法會議員陳振英、何敬康留言送上祝福，後者話相信同楊潤雄會再相遇。前政制局長、現職馬會嘅譚志源則留言「All the best bro(兄弟一切安好)」。旅遊促進會總幹事崔定邦就感謝楊採納啟德使用非專利巴士等意見。另一名前政制局長聶德權、西九行政總裁馮程淑儀、科技創新界議員邱達根等都有讚好帖文。
楊潤雄做文體旅局長時嘅首任新聞秘書(已離任)都有留言，為昔日上司打氣：「Support forever！(永遠支持！)得閒飲茶！」
鄧家彪賀兩校友接棒 稱中大人才輩出
另外，中大校董兼立法會議員鄧家彪喺facebook發帖，不點名恭賀兩名中大校友獲委任為局長，即新任文體旅局長羅淑佩同運物局長陳美寶，話有一半局長係中大校友，證明中大成功為香港培訓一代又一代人才。
更多港聞
【Emily】水署辦嘉年華推慳水 明年賀東江供水60年
【明報專訊】為推廣節約用水，水務署噚日起至今個月15號喺灣仔HarbourChill海濱休閒站舉行「知慳識水」嘉年華。發展局長甯漢豪致辭時話... 詳情
【Emily】國際馬賽吸80人豪客團 住半島有擲50萬買首飾
【明報專訊】政府提出推動賽馬旅遊，適逢國際馬壇年度盛事浪琴國際騎師錦標賽及浪琴香港國際賽事分別喺周三（4日）及嚟緊嘅周日（8日）舉行，吸引唔... 詳情
【明報專訊】僱員再培訓局「樂活一站」噚日宣布，即日起推出農曆新年家居服務，包括大掃除、製作賀年糕點同埋長者樂活餐膳服務等，市民即日起到明年1...
詳情
官津校中一淨增11班 料4.93萬人參加明年入學派位 跌2200
【明報專訊】本報按昨日出版的《中學概覽》統計中一班數，全港有15間官津中學擴班，全部較上學年增1班，另有3間中學合共減4班，此消彼長下淨增加... 詳情相關新聞
