【Emily】嘆外語易學難精 葉太：昔學日文3年今菜單都唔明
[2024.11.28] 發表
【明報專訊】政府要說好香港故事，有議員噚日喺立法會大會口頭質詢，關注政府會唔會加強大專院校外語培訓。新民黨主席葉劉淑儀發言時大嘆，學外語真係易學難精，仲分享自己學過法文、日文，但𠵱家日文水平「連菜單都唔識睇」。
倡資助有意闖中東市場者去當地學習
葉劉淑儀話，十幾年前考過GCE O-level法文，𠵱家淨係識睇菜單，當年去美國讀書時都讀咗3年日文，包括修讀沉浸式日語課程，但𠵱家連菜單都唔識睇。
葉劉淑儀認為，學完外語要精通到識用，單單喺大學主修、副修甚至去海外交流都唔夠，建議教育局增設基金，資助有意進攻中東市場嘅人，去當地學習阿拉伯語同文化。
本身係嶺南大學協理副校長嘅議員劉智鵬都話，外語唔係「學就會識得用」，𠵱家大學外語課程無法令學生做到應用嘅水平，建議教資會增撥資源鼓勵大學開設阿拉伯語同俄語課程。
署理教育局長施俊輝回應話，8間資助大學近年提供12種外語課程，包括阿拉伯語同俄語，但認同可以研究增撥資源畀院校，增加交流機會，畀同學去當地學習阿拉伯文化。
更多港聞
【Emily】升呢外公8.0 田二少好好好好激動
【明報專訊】立法會噚日周三開大會，但實政圓桌田北辰請咗幾小時假，原因係佢嘅四女噚日朝早生B。田北辰雖然唔係第一次做外公，但一樣好緊張，去咗醫... 詳情
審計署促理大遵契開放公眾範圍 校方：沒責任全校開放 有講師促撤管制增便利 學生憂客湧盼保留
【明報專訊】繼去年審計署查核中文大學，再有資助大學被獨立審查，昨公布的新一份審計報告涵蓋理大校舍的維修保養。5年前反修例事件理大爆發劇烈衝突... 詳情
【明報專訊】中學文憑試（DSE）沒限制考生的國籍，報考時可提供香港身分證或其他有效身分證明文件。教育局昨書面回覆議員稱，1027人持非香港身...
詳情
相關新聞
