【Emily】健康快車「泊」多區 免費篩查眼底病變
[2024.11.16] 發表
【明報專訊】糖尿病有可能導致視網膜病變，慈善機構「健康快車」今日起將連續幾個星期，喺全港多區展開免費眼底病變篩查計劃，年滿15歲就可以去檢查。「健康快車」今年7月到11月初喺部分社區開展先導行動，影咗720張眼底照片，分析咗當中564張，發現9%市民有潛在嘅視神經類眼底病變風險、4%有黃斑類眼底病變，1%人出現糖尿病視網膜病變。
免散瞳AI分析 10分鐘有報告
今次計劃利用全自動便攜式免散瞳眼底相機為市民影眼底相，再透過人工智能(AI)分析，10分鐘內就有報告。AI會分析視網膜係咪有血管瘤、出血、沉積等，判斷係咪有病變。
第一場篩查計劃今日喺黃大仙舉行，之後會到沙田、深水埗、大埔、荃灣、葵芳、鴨脷洲等10個區，至下月20日會同民建聯合作，由該黨招募市民參加。
更多港聞
【明報專訊】電影《破?地獄》近日係全城熱話，連天主教香港教區輔理主教夏志誠都睇咗，仲拍片分享觀後感，講到對「地獄」同「破」嘅睇法。
夏...
詳情
【Emily】迪士尼捐長者萬張飛 12?20前平食buffet
【明報專訊】聽日係「長者日」，政府藉此宣傳長者對社會嘅貢獻。迪士尼樂園話會透過社聯及其他社福機構，向有需要長者捐贈1萬張門票；而噚日起至下月... 詳情相關新聞
