【Emily】快運伙順豐推託運 乘客免拖篋往返機場 首件行李九折162元
[2024.11.08] 發表
【明報專訊】去旅行掃貨固然開心，但要拖住大大件行李由機場往返屋企唔係咁易，香港快運(HKExpress)近日同順豐香港合作，推出機場行李送遞服務九折優惠，首件行李原價180元，之後每件120元，九折後分別係162元同108元。
無論係出發去機場定由機場返屋企，都可以搵順豐託運行李，市民出發前可以預約順豐上門收件，去到機場後，喺5樓嘅行李寄存及送遞服務櫃枱攞行李，再做登機手續，落機後亦可以去同一櫃枱託運行李返屋企。據順豐網頁，每件行李唔可以超過航空公司最重限額，以快運嚟講，上限係30公斤，尺寸總長度(長+闊+高)唔可以超過199厘米。
不過要留意截單時間，只有下午5點或之前上門收件先可以即日送到機場，否則可能翌日先送到。喺機場託運行李返屋企，亦要喺下午3時半前到櫃位辦完手續，否則唔可以即日派送，要翌日朝早7點半後先會送件，而且要收每個鐘14元嘅額外寄存費。
更多港聞
【明報專訊】教資會轄下質保局昨發布「香港理工大學質素核證報告」，其一章節關注理大如何支援學生，稱理大在大學、學院和學系層面均設學生代表，有助...
詳情
【明報專訊】立法會去年通過修訂《嶺南大學條例》，當中取消由學生會會長擔任校董會當然成員及諮議會成員，改以學生互選產生，再由校董會委任。首場校...
詳情
【明報專訊】《施政報告》提出增撥15億元推出新一輪「研究配對補助金計劃」（下稱計劃），鼓勵更多機構資助院校研究。有議員關注研究知識產權誰屬，...
詳情
【明報專訊】唐代詩人王維17歲離鄉赴考，
眼見重陽時節親人聚首，
落寞時自嘆「獨在異鄉為異客」。
被譽為「現代主義建築最後...
詳情
相關新聞
