【Emily】補三跑對白海豚影響 北大嶼海岸公園成立
[2024.11.02] 發表
【明報專訊】為紓緩機場三跑項目對中華白海豚嘅影響，政府將機場周邊海域劃為北大嶼海岸公園，噚日正式宣布成立，係全港面積最大嘅海岸公園。漁護署話正同內地相關部門商討成立「粵港中華白海豚海洋保護區網路平台」，加強兩地管理、執法、生態監察、教育宣傳等合作。不過，自三跑工程喺2016年展開，中華白海豚數目持續下跌，未見回升。
機管局數據：工程期間白海豚減1/3
北大嶼海岸公園面積約2400公頃，係本港第八個海岸公園，本身係機場三跑工程環評報告其中一項承諾措施，目的係緩解三跑項目對中華白海豚同漁業環境造成嘅影響。漁護署話，北大嶼海岸公園與相連嘅沙洲及龍鼓洲、大小磨刀兩個海岸公園形成海洋保護區網絡，亦毗鄰廣東珠江口中華白海豚國家級自然保護區，可以加強保護中華白海豚核心棲息地。署方又話已提醒海事業界設立新海岸公園後嘅規定，會持續做教育宣傳。
翻查資料，自三跑工程喺2016年展開後，大嶼山海域監測到嘅中華白海豚數目持續下跌，其中據機管局統計，由2016年60條跌至去年40條，漁護署統計則由2016年47條減至2022年34條，近年未見回升迹象。
更多港聞
【明報專訊】立法會本月13至15日將分4個政策範疇辯論《施政報告》致謝議案，內委會主席李慧琼預告，每個議員總發言時間限15分鐘，官員發言回應...
詳情
【Emily】M+新展「造物記」 「好好洋服」霓虹招牌再現
【明報專訊】M+博物館今日起有新展覽「造物記」，展出最少10多個藝術家、設計師及建築師嘅作品，透過展品探討創作物件嘅人點樣運用設計、物料，以... 詳情
【明報專訊】財政司長陳茂波率領創科及金融界出訪沙特阿拉伯，噚日結束行程返港。隨團嘅立法會議員吳傑莊總結行程，認為當地年輕人口眾多，住屋需求大...
詳情
【明報專訊】康文署舉辦第22屆「粵劇日」，今年首次喺高山劇場舉行，除咗演折子戲，仲有工作坊、試演、講座、攤位活動、導賞活動、名伶簽名會等，當...
詳情
相關新聞
