【Emily】美酒佳餚巡禮10?23揭幕 英領事館推介冰火配搭
[2024.10.07] 發表
【明報專訊】旅發局主辦嘅「美酒佳餚巡禮」將於本月23日起，一連5日喺中環海濱活動空間舉行，屆時有多達300個美酒和美食攤位。旅發局搵咗多個駐港領事館推介酒品和美食，其中英國駐港總領事館就推介「Naked Affogato威士忌特濃咖啡雪糕」(圖右)，話用上老酒廠Finn Thomson North British嘅35年威士忌(圖左)，倒入特濃咖啡雪糕，冰火交融，令到奶香味同威士忌味混合，叫大家唔好錯過，喺場內用兩張品味券可以試到。
各國領事館梗係推銷番本國美食，西班牙駐港總領事館就話，可以用Roxanne Cava Brut Vintage餐酒配搭伊比利亞豬肉臘腸，話臘腸加咗辣椒粉、大蒜、香草等醃製，油香豐盈。
阿根廷駐港總領事館介紹Colome Estate Malbec 2021，話呢款酒取自阿根廷「國民葡萄」Malbec製作，口感濃郁，如果配搭阿根廷烤腸三文治就一流。
智利、澳洲、日本等領館代表只推介該國嘅酒品，其中日本推介採用日本頂級黑米、白米等釀造而成嘅清酒。
美酒佳餚巡禮10月23至27日舉行，可以玩到晚上11時，入場券40元，品味券有唔同價錢套票選擇，10月15日前透過購票平台Klook購買有「早鳥」優惠。
更多港聞
【Emily】名車巡遊賀國慶 蕭澤頤話見到dream car
【明報專訊】中國香港汽車會同仁濟醫院噚日合辦「經典名車巡遊」慶祝國慶75周年，大會安排包括紅旗復刻版等75架經典名車參與。警務處長蕭澤頤致辭... 詳情
【Emily】「郵展廊」更新亮珍品 郵政擬推郵票致敬港將
【明報專訊】今屆巴黎奧運港隊奪得兩金兩銅佳績，香港郵政高級經理（公共關係）王利誠表示，上屆東京奧運後推出印上得獎運動員英姿嘅郵票，香港郵政正... 詳情
方大收生增8% 盼年內躋身應科大 兼讀副學位收生差需檢討 擬重建沙田校舍擴展王牌科目
【明報專訊】今年初升格為私立大學的聖方濟各大學（下稱方大），在3月底申請成為應用科學大學，逾半年尚未獲批。署理校長盧鐵榮表示，盼今年內正式獲... 詳情相關新聞
