【Emily】憑幾句說話 阿sir及時救燒炭男

[2024.09.05] 發表

【明報專訊】新一期《警聲》表揚駐守觀塘警區刑事調查隊嘅探員楊熾強(外號阿波，圖)及同袍，喺5月救到一名正在燒炭自殺男子。

話說5月某日傍晚，該名年約30歲男子走入觀塘警署報案室，只向當值人員講咗句「麻煩你轉告楊sir，唔使再查我嘅案件喇，稍後我會去燒炭」，隨即轉身離去。

由於當時男子語氣嚴肅，報案室人員意識到事態嚴重，於是翻查紀錄後，去搵當值、姓楊嘅阿波。阿波從閉路電視錄影片段認出事主係佢8個月前見過嘅盜竊案受害人，男事主公司被員工「穿櫃桶底」，因而損失近百萬元。

搵出事主身分，阿波與同袍第一時間趕去事主報住地址，但拍門無人應，其後屋內傳來一絲微弱聲音，阿波話，「我們相信有人喺入面，由於情况危急，唯有當機立斷，準備破門入屋」。就喺嗰時，事主嘅家人剛好返到，開門後發現事主喺房內燒炭，將佢送院撿回一命。

阿波話，呢宗特殊個案得以解決有賴與報案室同袍通力合作，否則已演變成悲劇。

更多港聞

【明報專訊】創立於1958年、校舍樓齡達66年的深水埗津校聖公會基愛小學將原址擴建，獲准使用旁邊已空置的前慈恩學校。基愛小學校長張樂霈昨日向... 詳情

【明報專訊】各輸入人才計劃帶動個別中小學增收「專才子女」。教育局長蔡若蓮表示，人才計劃已吸引很多希望子女在香港接受優質教育的內地家長，若全面... 詳情

【明報專訊】潰瘍性結腸炎的發病人數呈升勢，在中國和其他亞洲國家尤甚，主要徵狀包括腹瀉、直腸出血和腹部絞痛，影響患者日常生活。浸會大學轄下中藥... 詳情