【Emily】宣講團下周訪港 會展講三中精神
[2024.08.22] 發表
【明報專訊】中國共產黨上月喺北京舉行三中全會，其後中央宣講團到各地解說大會精神。中央宣講人員下個禮拜會來港，周一下午喺會展中心舉行盛大嘅宣講會，畀政商界等人士學習貫徹三中全會嘅重要精神。
三中全會確定進一步全面深化改革嘅總目標，繼續完善同發展中國特色社會主義制度，推進國家治理體系同治理能力現代化，而大會《決定》提出300多項重要改革舉措，涵蓋政治、經濟、文化、社會、生態文明、國家安全等方面部署改革。
除此以外，大會提出要求「健全因地制宜發展新質生產力體制機制」。
港府本月初舉行咗內部研習會，特首李家超當時指示政府官員深刻學習三中全會精神，貫徹落實、融匯貫通喺日常工作入面，為促進國家同香港嘅高質量發展同中國式現代化建設而努力。
更多港聞
相關新聞
