【Emily】港鐵內地業務總監 黃琨暐任昂坪360主席
[2024.08.20] 發表
【明報專訊】港鐵營運嘅昂坪360纜車，噚日公布委任中國內地業務總監黃琨暐(圖)接任昂坪360主席，10月1日起生效。
昂坪360噚日公布，黃琨暐將接替楊美珍擔任昂坪360主席。黃琨暐曾任職港鐵唔同部門，現為港鐵中國內地業務總監，負責監督港鐵內地項目，業務範圍涵蓋北京、深圳、杭州、天津及澳門。黃同時係貿發局內地商貿諮詢委員會成員，亦係國際公共交通聯會亞太城市軌道平台委員會成員。黃琨暐話昂坪360扎根香港近20年，接待咗超過2300萬個賓客，同香港旅遊業一齊成長，係值得香港人驕傲嘅品牌，佢期望昂平360繼續進步，為賓客帶來嶄新嘅旅遊體驗。
昂坪360亦感謝楊美珍過去7年帶領公司走過高山低谷，成功跨過疫情難關，並喺疫情後重回上升軌道。
更多港聞
【Emily】再出發大聯盟話劇 講鄧稼先核武史
【明報專訊】香港再出發大聯盟聯同浸大尚志會、浸大校友劇藝團合辦《馬蘭花開——英雄大愛》話劇，作為推行愛國主義教育嘅活動之一。故事有關「兩彈元... 詳情
相關新聞
