【Emily】天水圍膠樽回收 每樽補貼1毫 可用八達通領
[2024.08.16] 發表
【明報專訊】由飲品供應商及回收業界組成嘅組織「免『廢』暢飲」推出嘅「天天樂回收」社區回收計劃，喺天水圍設膠樽回收點並提供補貼，該組織噚日公布，回收者可改用八達通領取補貼，而且由原本每個樽5仙補貼，加倍至每個1毫，同環保署入樽機嘅回贈睇齊。
新計劃下，若果清潔員於天水圍住宅、商廈和購物中心收集用過嘅膠飲品樽，將200個放入免「廢」暢飲派發嘅藍色膠袋，拎去指定回收點，就可以用八達通卡獲得20元回收補貼，作為額外收入來源。
免「廢」暢飲總經理司馬文話，用八達通直接畀補貼清潔員，可以增加透明度，相信用電子支付可改變回收業。睇番組織嘅網頁，自2022年10月中起收集到581萬多個膠飲品樽，經過打紮、加工後，會用嚟生產準食品級嘅rPET薄片循環再用。
更多港聞
相關新聞
