【Emily】兩日一夜體驗營 高中生試當城大生
[2024.08.12] 發表
【明報專訊】適逢暑假，城市大學上月底舉辦咗兩日一夜體驗營，為60名中五、中六學生安排互動工作坊、體驗課堂及團體活動等，畀佢哋感受城大嘅學術氣氛及宿舍生活。
開幕禮上，城大副校長(社區聯繫及協作)陳志豪話，參加者可透過體驗營擴闊眼界，希望大家可借機了解個人潛力，對未來選擇有更清晰嘅認識。學生宿舍處處長林健簡介城大學生宿舍特色，並介紹下月啟用嘅馬鞍山白石學生宿舍。
參與體驗營嘅60名高中生來自30幾間中學，其間佢哋先後出席兩節「中學生體驗課堂」，了解農場動物獸醫嘅日常工作，同埋會計知識嘅商業應用。佢哋並參與兩節工作坊，其中一節涉及個人成長、生涯規劃，另一節就學習製作簡易天線，並到般哥展覽館參觀「絲織繁華：從中國到歐洲之路」展覽，欣賞嚟自東西方嘅各類珍貴絲綢文物，了解城大點樣糅合藝術與科技。
更多港聞
【Emily】工聯辦愛國電影巡映 頭炮播《飛天》
【明報專訊】今年係國慶75周年，工聯會噚日舉行「工聯心?家國情」愛國電影巡映啟動禮，同時慶祝工人俱樂部成立60周年，工聯會會長吳秋北、理事長... 詳情相關新聞
