【Emily】日本松屋牛肉飯開店 冀年內兩間
[2024.08.09] 發表
【明報專訊】實惠日式牛肉飯又多一間選擇，日本連鎖牛肉飯專門店「松屋」周日(11日)會喺佐敦莊士倫敦廣場開設首間香港分店。Emily發現松屋分店噚日已開門，門口放咗個「招待日」大紙牌，門外嘅餐牌顯示一碗牛肉飯按大小賣29至60元，早餐定食有多款賣29至49元，至於燒牛肉定食最平59元，餐牌上仲有標示微辣嘅咖喱飯。
飲食業近期銷售數據麻麻，不時聽到有老店唔做，今次有多一間日式品牌來港，?投資推廣署認為代表該公司對香港餐飲業前景充滿信心。
松屋喺日本以價格相宜見稱，1966年喺東京創立，喺日本有1265間分店及18間海外店。
香港松屋餐飲有限公司董事總經理浜野隼就話，港人鍾意日本料理，希望會滿意松屋嘅食品，仲話希望年內喺香港開第二間分店。
更多港聞
【明報專訊】城巴噚日宣布展開「三日制車長」招聘，將採用「返三日放兩日」循環制時間表，強調唔關夠唔夠車長事，而係因為「Z世代」追求工作與生活平...
詳情
【明報專訊】金管局日前發表虛擬銀行檢討報告，認為要求虛銀主要提供零售銀行服務嘅規定已不合時宜，將取消限制。選委界立法會議員吳傑莊建議擴大虛銀...
詳情
相關新聞
