【Emily】荃灣撞車大塞車 累一哥失場
[2024.06.15] 發表
【明報專訊】噚日朝早一度「紅雨」，荃灣仲因為撞車而大塞車。Emily下晝去荃灣採訪兩個活動，都有嘉賓因為交通問題遲遲未到，活動都要延遲開始。其中獅子會喺荃灣如心酒店舉辦嘅典禮，邀請咗警務處「一哥」蕭澤頤出席，但佢因為塞車遲遲未到，典禮遲咗一個鐘開始，最終都等唔到一哥出現。
國際獅子總會中國港澳303區噚日舉辦第六屆「香港十大優質社會服務計劃選舉」，頒獎畀10個NGO舉辦嘅計劃，得獎者包括鄰舍輔導會深水埗康齡社區服務中心、大埔浸信會社會服務處、香港失明人互聯會等等。
睇番資料，康齡社區服務中心嘅「深水埗口述歷史劇計劃—留住埗城香」，蒐集咗深水埗長者嘅經歷，再教佢哋做戲，喺舞台表演自己嘅故事，而大埔浸信會「幸福心房」就幫生活環境唔好嘅家庭做家居簡單維修。
更多港聞
相關新聞
