【Emily】中西區屯門同爭取對角過路處

[2024.06.14] 發表

【明報專訊】「對角行人過路處」年初率先喺沙田試行，市民可以合法打斜過馬路。噚日中西區同屯門區議會有議員提議喺當區幾個路口設對角過路處，其中中西區就建議喺皇后大道中、德輔道中等幾個主要路口試行，屯門區就建議喺鄉事會路同青賢街、河傍街，以及仁政街交界設置，有區議員引述運輸署代表喺會上話會研究。

運輸署回覆中西區嘅文件話，本港路口車流較繁忙，對角過路處或會延誤行車，挑選試點時要小心考慮路口特性，包括有無需要、車流人流、交通燈號嘅安排、對角行人路嘅距離同過路所需嘅時間等因素，以免影響交通。

區議員：人太多守燈號過唔到

有份提案嘅中西區區議會交通運輸委員會主席楊哲安話，佢喺會上提議喺砵甸乍街同德輔道中路口設對角過路處，話呢個路口午飯時段多人，「每個(路人)都遵守紅綠燈，其實係過唔到」。

民建聯屯門區議員陳暹恆亦喺當區提案，佢引述署方話要試點試行完先可以研究擴至其他區，但如果要喺區內試，會用比較多人用嘅路段嚟試，佢同黨友巫成鋒就喺會上要求署方優先喺屯門設試點。

更多港聞

【明報專訊】自資院校恒生大學非華語生人數不斷增長，本學年有90名非華語生，佔全體學生約1.5%。恒大學生事務總監張佩思表示，校方對少數族裔學... 詳情

【明報專訊】浸會大學學生會昨午發聲明，稱校方多次無故鎖上舊校會室，做法嚴重干擾學生會運作，「間接損害學生自治」，至昨夜刪走帖文。浸大回覆稱，... 詳情

【明報專訊】政府近年推動家族辦公室落戶香港，科技大學商學院乘熱潮，計劃在2025/26學年推出家族辦公室碩士課程，名額40至60個，預計學費... 詳情

【明報專訊】嶺南大學10年前推行本科生「四年全宿」安排。不過，為應對非本地生增加及配合大學發展，嶺大宣布改用「四年兩宿」及「兩年一宿」制度，... 詳情

【明報專訊】新時代下，品牌設計有何意義？好的品牌設計不但能提升產品銷量，設計師如能多走一步，追本溯源，向消費者傳遞品... 詳情