【Emily】江玉歡清華交流 職安健學到嘢
[2024.06.10] 發表
【明報專訊】選委界別議員江玉歡(Doreen)上周末到北京清華大學土木工程及建築學系交流，就基層治理、工業意外等問題研習。佢提到當地積極利用科技監督與培訓，減少工業意外，認為除咗提高刑罰，香港亦可有其他方法改善職安健。
喺理大攻讀博士嘅Doreen獲安排上周末到清華交流，佢話研習內容包括參觀北京速滑館和大興機場，了解當地最新建築科技及安全營運，提及北京採用「LCB model」減少工業意外，即分別從項目領導、安全文化和工人行為入手，包括利用科技監督和培訓。
Doreen亦話，佢嘅論文以基層治理和大廈管理為題，此行認識到一名研究住房和城鄉建設嘅學者，二人有不少討論。佢認為內地嘅基層治理紮實，不過香港每幢大廈規模、業主組織、公契等各異，「聯廈聯管」下點樣處理紛爭、維修成本等問題仍待研究。
更多港聞
【Emily】港運會總冠軍元朗區 離島啦啦隊雙喜
【明報專訊】持續個半月嘅第九屆全港運動會所有賽事已經結束，噚日喺九龍公園圖書館舉行閉幕暨綜合頒獎禮。元朗區喺8個體育項目嘅比賽中累積攞到最高... 詳情
相關新聞
