【Emily】平機會共融運動日 閃避球揭序幕
[2024.04.22] 發表
【明報專訊】由平機會主辦嘅「種族多元共融運動日2024」噚日喺恒生大學舉行，並有搞閃避球嘉賓邀請賽為活動揭開序幕，由副政務司長卓永興主持開球禮，一眾來自體育界、演藝界、紀律部隊等唔同種族嘉賓代表作賽。之後有學校及企業隊伍分別舉行六人閃避球賽及三人籃球賽，另設基本動作技能活動攤位遊戲。
卓永興喺開幕禮致辭時話，由少數族裔人士組成嘅「少數族裔關愛隊」預計今年內開始提供服務，而為少數族裔設立嘅情緒支援及輔導服務中心於去年底投入服務，至於去年《施政報告》提及增設嘅兩間少數族裔人士支援服務中心，籌備工作已經展開。
少數族裔關愛隊料年內出動
平機會主席林美秀致辭時話，平機會首次以體育活動推動平等共融嘅價值觀，運動日亦正式啟動慶祝《種族歧視條例》生效15周年嘅活動。
更多港聞
【Emily】楊潤雄潮look參觀威尼斯視藝展
【明報專訊】文化體育及旅遊局長楊潤雄上周五（威尼斯時間19日）去到意大利威尼斯，主持威尼斯視藝雙年展香港展開幕禮。佢噚日喺facebook講... 詳情
相關新聞
