MIRROR成軍5年感觸大 江𤒹生爆12子失笑容原因
[2024.01.22] 發表
【明報專訊】MIRROR亞博演唱會前晚舉行第5場，副隊長江𤒹生(AK)唱《金星女孩》前訴說心底話，表示想講一些說話，但自己又好似成日會講錯說話，提到MIRROR唱團歌《We All Are》後，熒幕打出「MIRROR，請珍惜你們美麗的笑容」，他說：「睇到呢句嘢嘅時候，我哋12個都好大感觸。我諗我哋唔係唔記得，而係有時我哋都開始……唔係好敢去笑。」
AK稱知道大家好愛惜他們，亦因為太愛惜，有時對外面世界的人來講會有些反感。他靜默一會深呼吸說：「入行這5年，我哋12個都好急速成長，有時快到根本有啲嘢唔記得咗，做過啲乜嘢呀，發生過啲乜嘢事，都好快。但唯獨是每一次企上台，見到你哋每一個，每一塊燈牌，不論你哋係支持你哋嘅『本命』又好，支持MIRROR又好，你哋每一個支持同吶喊，對我哋都好緊要。」
感激家人做出氣袋
AK透露父母前晚在場欣賞，多謝家人這5年的包容，自認經常闖禍，家人默默幫他打點後面一切。最不開心時，家人會不厭其煩讓他爆發負能量，沒有怨言，他展露笑容說：「我應承大家，我哋MIRROR 12個，都會保持我哋嘅笑容。」
27歲呂爵安被Jer諷死老嘢
呂爵安(Edan)昨日27歲生日，前晚完騷他回後台吻MIRROR海報上的自己說：「Edan，happy birthday。」並大笑看有否留下唇印。踏入12點前，他跟柳應廷(Jer)和工作人員一齊倒數，然後興奮歡呼：「27歲喇！」Jer搞笑大叫：「死老嘢。」Edan笑說：「多謝多謝，大家收工。」
娛樂組
更多影視
【娛樂場】《網紅甜卡》甜味朝聖之旅 廖慧儀騷胸嚇窒黎紀君
【明報專訊】無綫J2台新節目《網紅甜卡》，由前港姐廖慧儀（Jessica）、「甜品界FYY」甜品師黎紀君（Christy）與造型師李慧茵（V... 詳情
《吸引力法則》泰星香港開騷扮機師 Jam撞樣吳卓羲 重演《衝上雲霄》
【明報專訊】泰劇《以你的心詮釋我的愛》男星Billkin（BK）、PP Krit（PP）去年來港舉行見面會，有內地粉絲投訴主持人Jon Jo... 詳情
韓國女團STAYC唱Lolly Talk《三分甜》
【明報專訊】韓國6人女團STAYC前晚在九龍灣國際展貿中心Star Hall舉行演唱會，全場爆滿。6時開騷，6名成員又唱又跳《So Bad》... 詳情相關新聞
